Gerast félagi í Félagi leikstjóra á Íslandi

Til að sækja um félagsaðild skal fylla út umsóknina hér að neðan

Til þess að verða fullgildur félagi þarf umsækjandi að hafa lokið a.m.k. 3ja ára leikstjórnar-/leiklistarnámi á háskólastigi. Nánar er greint frá skilyrðum fyrir félagsaðild í 5. grein laga félagsins:

5. grein.
Umsókn um félagsaðild skal vera skrifleg. Til þess að verða fullgildur félagi þarf umsækjandi að hafa lokið a.m.k. 3ja ára leikstjórnar-/sviðslistanámi á háskólastigi. Heimilt er að veita félagsaðild þeim sem lokið hefur meistaranámi í sviðslistum hafi viðkomandi bakkalárgráðu í öðru fagi. Uppfylli umsækjandi ekki menntunarskilyrði má meta starfsreynslu til jafns við menntun ef umsækjandi uppfyllir skilyrði um starfsreynslu sem nemi 24 punktum, skv. eftirfarandi skilgreiningu:

a) 2 sviðsetningar í atvinnuleikhúsi: 24 punktar

b) 60 mínútur af leiknu efni í sjónvarpi eða kvikmynd: 24 punktar

c) 8 uppfærslur í hljóðvarpi: 24 punktar

d) 6 sviðsetningar í áhugaleikhúsi: 24 punktar

e) 4 annir leiktúlkunarkennslu við viðurkenndan háskóla: 24 punktar

 Umsækjandi telst félagi þegar stjórn hefur metið umsókn hans fullgilda. Ef umsókn er synjað skal stjórn veita umsækjanda skriflegan rökstuðning. Tilkynna skal um nýja félaga á aðalfundi.