Félag leikstjóra á Íslandi       Lindargata 6, 101 Reykjavík        Sími: 862-4808        Netfang: leikstjorar@leikstjorar.is       Formaður: Kolbrún Halldórsdóttir

  • facebook
  • Twitter Round
  • googleplus
  • flickr

Nýr samningur leikstjóra við Þjóðleikhúsið.

 

Á föstudaginn 4.desember 2015 samþykkti félagsfundur í Félagi leikstjóra á Íslandi samkomulag við fjármála og efnahagsmálaráðherra f.h. ríkissjóðs um breytingar og framlengingu á kjarasamningum aðila.

 

Nýi samningurinn gildir frá 1. mars 2015 til 19. mars 2019.

 

Engar breytingar voru gerðar á síðasta samningi ef frá eru taldar launahækkanir sem hér segir:

 

1. mars 2015: 9,65%.

1. júní 2016: 6,5%.

1. júní 2017: 4,5%.

1. júní 2018: 3,0%.

1. febrúar 2019 komi til eingreiðsla kr. 70.000 til þeirra sem gegnt hafa fullu starfi og eru við störf í desember 2018 og eru enn í starfi í janúar 2019 og greiðist miðað við starfstíma og starfshlutfall í desember 2018.

 

Persónuuppbót (desember-uppbót) verður sem hér segir:

 

2015: 78.000 kr. miðað við fullt starf en annars sem hlutfall.

2016: 82.000 kr.

2017: 86.000 kr.

2018: 89.000 kr.

 

Orlofsuppbót fyrir fullt undangengið starfsár er sem hér segir og greiðist jafnframt hlutfallslega:

 

2015: 42.000 kr.

2016: 44.500 kr.

2017: 46.500 kr.

2018: 48.000 kr.

 

Bent er á að hækkun tekur gildi frá 1. mars síðastliðnum og þeir leikstjórar sem gerðu launasamninga við Þjóðleikhúsið eiga því von á greiðslu fyrir störf sín sem nemur hækkuninni fyrir vinnu eftir þann tíma.

 

Leikstjórar sem unnu verkefni fyrir leikhúsið sem verktakar eða launþegar við samstarfsfyrirtæki fá ekki þá hækkun á laun sín.

 

Samfara þessum breytingum á launalið samningsins var gerð breyting á flokkun leikverka í stofnanasamningi félagsins og Þjóðleikhússins þar sem við skilgreiningu á 1. flokki var bætt við lokasetningu:

Ný frumsamin íslensk sviðsverk að fullri lengd skulu falla í þann flokk.

 

Leikstjórar sem unnið hafa hjá Þjóðleikhúsinu sem launþegar samkvæmt kjarasamningum félagsins eiga að snúa sér til leikhússins og sækja sinn kaupauka.

 

Hér er að finna nýju samningana.